Даңқты спортымыз ол кезде 35 жаста болады.
Дзюдодан Олимпиада чемпионы Елдос Сметов 2028 жылы Лос-Анджелесте өтетін келесі Олимпиадаға қатысу туралы өз ойын айтты. Бұл туралы 24.KZ хабарлады.
Қазақстандық дзюдошы Лос-Анджелесте өтетін ойындарға қатысуға ниетті.
"Мен 32 жастамын. Олимпиада өтетін кезде 35-36 жаста боламын. Бұл жаста жүлде алу қиын екені белгілі, бірақ үмітім бар. Бұның дәлелі ретінде 35 жаста болған Демеу Жадыраевтың Олимпиаданың финалына шығуы. Менің мақсатым – жастың жай ғана сан екенін дәлелдеп, жастарға жігер сыйлау", - деді Сметов.
Елдос Сметов Париж Олимпиадасында 60 келі салмақта алтын медаль жеңіп алды. Отандасымыз 2016 жылы Рио-де-Жанейрода күміс, 2020 жылы Токиода қола алған болатын.
