Ташкенте бокстан Өзбекстан чемпионатының ақтық жекпе-жектері өтіп жатыр.
63,5 келіге дейін салмақ дәрежесінде алтын медаль үшін айқаста этникалық қазақ Руслан Абдуллаев пен Адхамжон Мухиддинов қолғап түйістірді. Төрешілер бірауыздан қазақ боксшысын мықты деп танып, жеңісті соған берді.
Руслан алғашқы минуттардан-ақ тізгінді қолға алды. Жойқын соққылардың бірі дәл тиіп, Адхамжон бірінші раундта нокдаунға түсті.
Еске сала кетсек, Руслан Абдуллаев 2023 жылдың әлем чемпионы болып табылады.
