Қазақстандық боксшылар Румыниядағы турнирдің екінші күнінде қалай өнер көрсетті?

Сұлтан Данияр

Редактор Penalty.kz

18.02.2025, 09:08

Румынияның Браила қаласында өтіп жатқан Dracula Open-2025 халықаралық бокс турнирінде екінші жарыс күні аяқталды. Қазақстандық спортшылар турнирде жоғары нәтиже көрсетіп, бірнеше сенімді жеңіске қол жеткізді.

probr.ro

17 ақпан күні өткен жасөспірімдер арасындағы жарыста Қазақстан құрамасының атынан жеті боксшы рингке шықты. Олардың төртеуі өзара кездесіп, ұлттық дерби өткізді.

Жекпе-жек нәтижелері:

50 кг: Едіге Нұрғожа (Қазақстан) – Жангелді Оразбек (Қазақстан) – 4:1
50 кг: Заманхан Амангелді (Қазақстан) – Нұрғазы Асқарбек (Қазақстан) – 4:1
60 кг: Саят Қаратаев (Қазақстан) – Каталин Мустя (Молдова) – 5:0
60 кг: Арман Ахатов (Қазақстан) – Стефан Чиприан Ману (Румыния) – 5:0
66 кг: Темірлан Ерлаев (Қазақстан) – Ростислав Айшаров (Украина) – 4:0

Бұл нәтижелер Қазақстанның жас боксшыларының жоғары дайындық деңгейін көрсетіп, алдағы жекпе-жектерде үлкен жетістіктерге жетуге мүмкіндік беретінін дәлелдейді. Турнирдің келесі кезеңдері отандық боксшылар үшін жаңа сынақтар мен жеңістерге толы болатыны сөзсіз.