АҚШ-тың Вашингтон штаты, Сиэтл қаласында өткен UFC Fight Night 252 турнирінде қазақстандық аралас жекпе-жек шебері Николай Веретенников (12-5) өзінің екінші жекпе-жегін өткізді.
Веретенников октагонда америкалық Остин Вандерфордпен (12-2) кездесті. Кездесу 175 фунт (аралық салмақ) дәрежесінде өтті. Жекпе-жек екінші раундта техникалық нокаутпен аяқталып, жеңіс Вандерфордтың еншісіне жазылды.
Осылайша Остин Вандерфорд кәсіби мансабындағы 13-жеңісіне қол жеткізді. Ал Николай Веретенников үшін бұл оның алтыншы жеңілісі болды.
Айта кету керек, Веретенников UFC-дегі екі жекпе-жегінде қатарынан жеңіліс тапты. Ол өзінің дебюттік жекпе-жегін 2024 жылдың тамыз айында өткізіп, америкалық Дэнни Барлоуға (9-0) төрешілердің шешімімен ұтылған.
