Алматыда Балуан Шолақ атындағы спорт сарайында аралас жекпе-жектің Octagon 70 басты оқиғасы өтті.
BMF белбеуі үшін өткен жекпе-жекте қазақстандық актер әрі ММА файтері Еркебұлан Тоқтар (10-3) мен Тәжікстан өкілі Камариддин Хасанов (7-3) күш сынасты.
Жекпе-жек төртінші раундта техникалық нокаутпен аяқталды. Еркебұлан Тоқтардың қарсыласының жақ сүйегіне дәл соққысы Камариддин Хасановтың жекпе-жекті жалғастыруына мүмкіндік бермеді.
Осылайша Еркебұлан Тоқтар Octagon лигасының тарихында алғаш рет BMF чемпиондық белбеуінің иегері атанды.
Бұл Еркебұлан Тоқтардың ММА-дегі кәсіби мансабындағы оныншы жеңісі болды, ал Камариддин Хасанов үшін үшінші жеңіліс ретінде тіркелді.
Жекпе-жектің нокаут сәтін төмендегі видеодан көре аласыз.
