Кәсіпқой боксшы Бекман Сойлыбаев (20-1, 11 KO) Ақтауда өткен бокс кешінде өнер көрсетті.
Кештің басты жекпе-жегінде қазақстандық боксшы Танзания өкілі Абеида Зугоны мерзімінен бұрын жеңді. 12 раундқа жоспарланған жекпе-жек үшінші раундта Сойлыбаевтың сәтті шабуылының нәтижесінде техникалық нокаутпен аяқталды.
Бұл жеңіс арқылы Бекман Сойлыбаев мансабындағы 20-шы жеңісіне қол жеткізіп, UBO World чемпиондық белбеуінің иегері атанды.
Ал Абеида Зуго кәсіби мансабында алғаш рет жеңілістің ащы дәмін татты. Бұған дейін оның 15 жеңісті көрсеткіші бар еді.
Жекпе-жектің нокаут сәтін төмендегі видеодан көре аласыз.
