Отандасымыз төрешілердің бірауыздан шешімімен жеңіске жетті.
Қазақстандық боксшы Санатәлі Төлтаев Болгарияда өтіп жатқан "Странджа" турнирінде сенімді жеңіске жетті.
67 келіге дейінгі салмақта Төлтаев болгар боксшысы Мехмед Эмирджанмен кездесіп, үш раунд бойы басымдық танытты. Төрешілер бірауыздан 5:0 есебімен жеңісті қазақстандық спортшыға берді. Осылайша, Төлтаев турнирдегі жорығын жалғастырады.
Бұл салмақта тағы бір қазақстандық боксшы Төрехан Сабырхан да бар. Алайда оның қарсыласы өзбекстандық Асахуджа Муйдинходжаев жекпе-жекке шыққан жоқ.
Айта кетейік, бұған дейін Дәулет Молдашев әзербайжандық боксшы Залимхан Сүлеймановпен жұдырықтасып, қарсыласына есе жіберген еді.
