Астанада WBO/IBF орта салмағының әлем чемпионы Жәнібек Әлімханұлы мен франциялық Анауэль Нгамиссенге жекпе-жегі қарсаңында баспасөз мәслихаты өтті.
Қазақстандық кәсіпқой боксшы Жәнібек Әлімханұлы әйгілі мексикалық Сауль “Канело” Альвареске қарсы жекпе-жек өткізгісі келетінін мәлімдеді.
“Канелоны тақаймыз. Қазір соның салмағында өту бойынша еңбек етіп жатырмыз. Бәріміз қолымыз келгенше жекпе-жек ұйымдастыруға тырысамыз” – деді Жәнібек Әлімханұлы.
Жәнібек 2018 жылдан бері мексикалыққа қазақ боксының нағыз стилін көрсеткісі келетінін айтып жүр. Жанкүйерлер мен журналистер Әлімханұлы мен Канело арасындағы жекпе-жектің мүмкін болуын асыға күтуде.
Жалпы, баспасөз-мәслихатында отандық былғары қолғап шебері әлемдік боксты Қазақстанға қайтаруды мақсат тұтатынын жеткізді.
Айта кетейік, Жәнібек Әлімханұлы мен франциялық Анауэль Нгамиссенге арасындағы жекпе-жек Астанада 5 сәуірде өтеді. Билет сатылымы Яндекс Афишада 5 наурыздан бастап сатылымға шығады. Бағасы 15 000 теңгеден басталады.
