Астанада өткен баспасөз мәслихатында 5 сәуірде ұйымдастырылатын бокс кешіне арналған алғашқы медиа шара өтті. Шара барысында екі дүркін Олимпиада және екі дүркін әлем чемпионы, өзбекстандық Баходир Джалоловтың (14-0, 14 КО) қатысатыны белгілі болды.
Ұйымдастырушылардың айтуынша, бұл кеш аясында қазақстандық боксшы, екі дүркін Олимпиада ойындарының қола жүлдегері Иван Дычко (14-0, 13 КО) мен Джалолов арасындағы жекпе-жек өтуі мүмкін. Қазір Баходирдің қарсыласы нақты анықталған жоқ.
"Бұл сұраққа тек екі боксшы ғана жауап бере алады. Егер олар рингке шығуға дайын болса, біз бұл жекпе-жекті ұйымдастыруға әрдайым әзірміз. Бірақ екі тараптың да келісімі қажет", – Nomad Promotions өкілі Сэм Катковски деп мәлімдеді.
Айта кетейік, бұған дейін Дычко мен Джалолов әуесқой бокста төрт рет кездеске. Бұл жекпе-жектердің барлығында қазақстандық боксшы жеңіске жетті.
