Ташкентте өтіп жатқан "Grand Slam" кезеңінің екінші күні басталды.
Кеше басталған дзюдодан "Grand Slam" турнирінде Қазақстан мен Өзбекстан спортшылары арасындағы үшінші маңызды жекпе-жек өтті. Бұл жолы татамиге қазақстандық Есет Қуанов пен өзбек дзюдошысы Обидхон Номанов шықты.
Негізгі уақыт жеңімпазды анықтамады. Сондықтан жекпе-жек "алтын ұпай" кезеңіне өтті. Қосымша уақыттың нәтижесінде 73 келіге дейінгі салмақ дәрежесіндегі ширек финалда жеңісті өзбек дзюдошысы Обидхон Номанов иеленді.
Айта кетейік, бұған дейін дәл осы турнирде Нұрәділ Әлжан мен Ердәулет Босжа да өзбек дзюдошыларына жол берген болатын.
