Олимпиада чемпионы Елдос Сметов Линц (Австрия) қаласында өткен Гран-при турнирінде жеңіске жеткен Әбиба Әбужақынованы құттықтады.
Олимпиада чемпионы өз құттықтауын Instagram әлеуметтік желісіндегі стористе жариялады. Бейнежазбада Әбиба Әбужақынова қонақүй бөлмесінде Елдос Сметовпен сөйлесіп тұрған сәті көрсетілген. Спортшының мойнында жеңістің басты символы – алтын медаль бар.
Айта кетейік, Әбиба Әбужақынова 48 кг дейінгі салмақ дәрежесінде үздік атанды. Финалдық жекпе-жекте ол жапондық Сачиё Ёшиноны 10:1 есебімен жеңіп, Гран-при турнирінің чемпионы атанды.
