Бокстан әйелдер арасындағы бокстан ӘЧ-2025: Қазақстан екінші жарыс күнін қалай өткізді?
Ниш (Сербия) қаласында өтіп жатқан 2025 жылғы әйелдер арасындағы бокстан әлем чемпионатының екінші күнінде Қазақстаннан тек бір боксшы ғана шаршы алаңға шықты.
Қазақстан алғашқы шығынын тіркеді
Анита Адишева 52 келіге дейінгі салмақ дәрежесінде 1/16 финалда Мексика өкілі Эсмеральда Жасмин Патиньо Хуареспен кездесті. Тартысты өткен жекпе-жекте Адишева 2:3 есебімен жеңіліс тапты. Айта кетерлігі, үшінші раундта Патиньо Хуарес нокдаунға түсті, бірақ бұл жағдай жекпе-жек нәтижесіне айтарлықтай әсер еткен жоқ.
Осылайша, Анита Адишева жарысты ерте аяқтап, Қазақстан құрамасы үшін алғашқы шығынға айналды.
Жайна Шекербекова қарсылассыз келесі кезеңге өтті
54 келіге дейінгі салмақта сынға түсетін Жайна Шекербекова да бүгін жекпе-жек өткізуі керек еді. Алайда оның қарсыласы, боливиялық боксшы Джускарли Патрисия Бесерра Монтесинос (IBA "Fair Chance Team" командасы), белгісіз себептермен шаршы алаңға шықпай қалды. Нәтижесінде Шекербекова ешқандай жекпе-жексіз турнирдің келесі кезеңіне өтті.