Қазақстандық боксшы Наталья Богданова әйелдер арасындағы бокстан әлем чемпионатында алғашқы жекпе-жегін өткізді.
1/8 финалында 70 келіге дейінгі салмақта өнер көрсеткен Богданова испаниялық Дуния Мартинес Масқа қарсы шықты. Қазақстандық спортшы айқын басымдық танытып, қарсыласын үшінші раундта техникалық нокаутпен жеңді. Бірінші раундта-ақ испаниялық боксшы нокдаунға түсіп жағдайының ауыр екенін көрсетті.
Бұл жеңістен кейін Наталья Богданова әлем чемпионатының ширек финалына жолдама алып, жүлделі орындар үшін күресін жалғастырады. Айта кетейік, ол Азия чемпионы атағына ие. 2024 жылдың желтоқсанында Таиландтың Чиангмай қаласында өткен Азия чемпионатында алтын медаль еншіледі. Сонымен қатар, Наталья 2022 жылғы Жазғы Азия ойындарының қола жүлдегері.
