Бұрынғы UFC чемпионы, танымал америкалық спортшы Генри Сехудо қазақстандық файтер Шавкат Рахмоновқа Шон Брэдимен жекпе-жек өткізуді ұсынды.
Сехудо бұл ұсынысын әлеуметтік желі арқылы жариялап, аталған жекпе-жек жартылай орта салмақтағы чемпиондық белдікке басты үміткерді анықтайды деп санайды.
"Шавкат пен Шон Брэдидің айқасы – кімнің нағыз үміткер екенін көрсетеді. Бұл жекпе-жек ұйым үшін де, жанкүйерлер үшін де өте маңызды", – деп жазды Сехудо.
Еске сала кетсек, UFC президенті Дана Уайт жуырда жартылай орта салмақтағы чемпион Белал Мұхаммед пен австралиялық Джек Делла Маддалена арасындағы жекпе-жекті ресми түрде жариялаған болатын. Сонымен қатар ол Шавкат Рахмоновтың титулдық жекпе-жекке басты үміткер болып қала беретінін атап өтті.
Осы орайда Сехудоның ұсынысы UFC жанкүйерлері арасында үлкен талқылауға себеп болды. Егер UFC басшылығы бұл идеяны қолдаса, Рахмонов пен Брэди арасындағы айқас ұйымның жартылай орта салмағындағы жағдайды айқындап береді.
