Жапонияның Токонамэ қаласындағы "Aichi Sky Expo" аренасында өткен бокс кешінде IBF тұжырымы бойынша әлем чемпиондары арасында тарихи жекпе-жек өтті.
Кешті жапон промоутері Коки Камеда ұйымдастырды, ал басты жекпе-жекте Масамичи Ябуки (18–4, 17 KO) мен мексикалық Анхель Айяла (18–1, 8 KO) рингке шықты.
Жекпе-жек бірінші жеңіл салмақта (49 кг дейін) өтті. Айяла бұған дейін 50,8 келіде чемпиондық белбеуге ие болған еді. Ал Ябуки бұл кеште өзінің шеберлігін толық көрсетті. Ол рингтегі жағдайды толық бақылауда ұстап, қарсыласынан жылдам әрі техникалық тұрғыдан басым болды.
Бірінші раундтың өзінде қос боксшы бастарының соқтығысуынан ауыр жарақат алды. Жекпе-жек алаңында қан көл болды. Соған қарамастан олар айқасты тоқтатпай, соңына дейін күресті. Айяла үш рет нокдаунға түсті, ал соңғы — 12-раундта толық жеңілді. Ябуки техникалық нокаутпен жеңіске жетіп, екі салмақ дәрежесінде чемпион атанды.
Көрермендер бұл жекпе-жекті жылдың ең қанды және ең тартысты шайқасы деп атап жатыр.
