Бес боксшымыздың төртеуі жеңіліп қалды

Бразилияда өтіп жатқан Әлем кубогында екінші жарыс күні аяқталды. Қазақстандық боксшылардың көрсеткіші көңіл көншітпейді: бүгін шаршы алаңға шыққан бес спортшының біреуі ғана жеңіске жетті.

Жеңіске жеткен боксшы:

• +90 келі: Даниял Сапарбай үндістандық қарсыласын 3:2 есебімен ұтты. Бұл күнгі жалғыз жеңіс осы кездесуде тіркелді.

Жеңіліс тапқан боксшылар:

• 60 келі: Талғат Сырымбетов бразилиялық боксшыға 0:5 есебімен жол берді.
• 54 келі: Анита Адишева Польша спортшысына 0:5 есебімен жеңілді.
• 50 келі: Нұрзат Оңғаров өзбекстандық қарсыласынан 0:5 есебімен жеңілді.
• 65 келі: Алмат Абдуали де бразилиялық боксшыға 0:5 есебімен есе жіберді.

Бұған дейінгі нәтижелер:

Турнирдің алғашқы күнінде Нұрсұлтан Алтынбек жеңіске жетсе, тағы екі спортшымыз қарсыластардың жарысқа шықпауына байланысты жүлделі орынға тікелей өтті.