Боксшы бұрымдымыз Жанибек Әлімханұлының андеркатында өнер көрсетеді.
5 сәуірде Астанада өтетін кәсіби бокс кешінде жастар арасындағы әлем чемпионатының жеңімпазы, қазақстандық Балауса Мұздыман рингке шығады. Бұл – WBO және IBF нұсқалары бойынша әлем чемпионы Жанибек Әлімханұлының титулдарын қорғайтын кештің андеркарт бөлігі.
Балауса бұл жолы филиппиндік Мария Тереза Пинилимен (7-1, 2 КО) жұдырықтасады. Алайда бастапқыда жоспар басқа болған.
ҚР еңбек сіңірген жаттықтырушысы Сағатбек Мұсахановтың айтуынша, олар бастапқыда 14 жеңісі бар америкалық боксшыға дайындалған.
«Біз бастапқыда 14 жеңісі бар америкалық спортшыға қарсы дайындалып жатқанбыз. Бірақ белгісіз себептермен ол жекпе-жектен бас тартты. Сол себепті қысқа мерзімде жаңа қарсылас – филиппиндік боксшыға бейімделуге тура келді. Соған қарамастан, Балауса жақсы жекпе-жек көрсетеді деп сенемін», – деді бапкер Sportnews.kz тілшісіне берген сұхбатында.
Балауса Мұздыман соңғы рет желтоқсан айында Астанада өткен Fight Nights турнирінде рингке шыққан. Ол үндістандық Сушила Виратты бауыр тұсынан тиген қуатты соққымен бірінші раундта нокаутқа жіберіп, мансабындағы алтыншы жеңісіне (оның бесеуі мерзімінен бұрын) қол жеткізген.
Мұздыманнан бөлек бұл кеште мынадай боксшылар шаршы алаңға шығады:
