Бесінші күннің басты ерекшелігі — жартылай финалдық жекпе-жектердің басталуы. Олардың барлығы 02:00-де басталатын жалғыз сессия аясында өтеді.
Әйелдер арасындағы жекпе-жектер:
- Жазира Орақбаева (51 кг дейін) — алғашқы жұпта Польша өкілі Наталия Кучевскаямен қолғап түйістіреді.
- Ұлжан Сарсенбек (57 кг дейін) — үшінші жұпта поляк боксшысы Юлия Шереметамен күш сынасады.
Ерлер арасындағы кездесулер:
- Нұрсұлтан Алтынбек (55 кг дейін) — бесінші жұпта үндістандық Маниш Ратхормен кездеседі.
- Қазақстан мен Өзбекстан арасындағы жекпе-жек: тоғызыншы жұпта Диас Молжігітов (80 кг дейін) Жавохир Умматалиевке қарсы шығуға дайын.
- Кештің 11-жұбында — Дәулет Төлемісов (85 кг дейін) француз Абдулайе Траоремен финал жолдамасын сарапқа салады.
