Жартылай ауыр салмақта абсолютті әлем чемпионы атанған ресейлік боксшы Дмитрий Бивол өз сұхбатында қазақстандық тамырларын ашық айтты.
Бұл мәлімдемені спортшы Exclusive KG порталына берген сұхбатында жасады.
"Анам мен әкем Бологое қаласында (Ресей) танысқан. Анам — Қазақстанда Шымкентте туған. Ол кезде Чимкент деп аталатын. Кейін оқуға Бологоеге кеткен. Себебі ол Кеңес Одағы кезінде үлкен елде тұрған. Бір қаладан екінші қалаға, бір республикадан екінші республикаға еш қиындықсыз көшуге болатын. Әкем Молдовадан еді. Екеуі де білім қуып жүріп танысыпты. Кейін Қырғызстанға барып, отбасын құрған. Мен тағдырыма ризамын", — деді Бивол.
Биволдың айтуынша, Кеңес дәуірінде адамдардың еркін қозғалуына мүмкіндік мол болған. Бұл — түрлі ұлттар мен өңірлер арасындағы тығыз байланысты қалыптастырған кезең еді. Оның ата-анасының да әртүрлі елдерде туып-өсіп, ортақ тағдырмен табысуы — соның жарқын мысалы.
Боксшының анасы туып-өскен Шымкент қаласы бүгінде Қазақстанның ірі мегаполистерінің бірі. Дмитрий Биволдың сол қалаға қатысты айтқан жылы лебізі мен ашық мойындауы – қазақ жанкүйерлері үшін ерекше әсерлі сәт болды.
