Қазақстан, Қырғызстан және Өзбекстан боксшылары ортақ видео түсіріп, үш елдің тіліндегі ұқсастық пен айырмашылықты күлкілі форматта көрсетті. Ролик жарияланған сәттен бастап жанкүйерлер арасында кең таралып, пікірлер астында «Бір туған» деген жазулар жаңбырша жауды.
Қазақстан бокс федерациясы Қырғызстан және Өзбекстан федерацияларымен бірлесе отырып, әлеуметтік желідегі парақшаларында ерекше форматтағы видеоны жариялады. Роликте үш елдің боксшысы күнделікті қолданылатын сөздердің қазақ, қырғыз және өзбек тілдеріндегі нұсқасын айтып, өзара салыстырады.
Видеоға қатысқандар:
Жас та болса, құрлықтық деңгейде өзін дәлелдеген боксшылар ресми жекпе-жектен емес, бейресми, жанкүйерге жақын контенттен де қалыс қалмайтынын көрсетті.
Видеоны көрген қазақстандық, қырғыз және өзбек жанкүйерлері комментарийлерде үш елдің ортақ тарихы мен туыстығын ерекше атап өтті.
Көп кездескен пікірлердің бірі – «Бір туған» деген қысқа ғана сөз. Бұл тіркес қазақ, қырғыз және өзбек халықтарының бауырластығын, тарихи жақындығы мен рухани байланысын білдіреді.