Астанадағы "Көктал" ықшам ауданындағы айыптұрақ артық жүктемемен жұмыс істеп тұр. Қазір мұнда шамамен 450 көлік сақтаулы. Kursiv.kz тілшілері оқиға орнынан арнайы репортаж жасап, тұрақтың жағдайын, техникалардың күйін және қызметкерлердің жұмысын көзімен көрді.
Айыптұрақтың меңгерушісі Аслан Иманжановтың айтуынша, жаз мезгілінде тұраққа келіп түсетін көліктер саны күрт артады:
"Жазда күніне 10-30 көлік келеді. Оның ішінде мопедтер, самокаттар мен мотоциклдер де бар. Қыста бұл сан үш есе азаяды. Күн сайын 20 көлік келсе, тек 10-ы ғана кетеді", — дейді Иманжанов.
Айыптұрақ аумағы тығыз орналасқан. Қызметкерлер барынша кеңістік ұйымдастыруға тырысады: мопедтер мен самокаттарды бір жерге жинайды, ал қатты зақымдалған көліктерді бірінің үстіне бірі орналастырады.
Тұрақта тек ескі көліктер емес, қымбат брендтер де кездеседі:
Мысалы, бір ақ түсті Lexus бұл айыптұрақта үш жыл бойы тұр. Бірақ бұл да рекорд емес. Кейбір көліктер 5–10 жылдан астам уақыт бойы иесін күтіп жатыр.
"Әсіресе жол-көлік оқиғаларына немесе қылмыстық істерге қатысты тәркіленген көліктер ұзақ сақталады", — дейді Иманжанов.
Айыптұрақтағы барлық техника мемлекет есебінен тегін сақталады, тіпті 10 жылдан аса тұрған болса да. Алайда кейде жел мен ауа райының әсерінен көлікке зиян келуі мүмкін. Мысалы мопед көлік үстіне құлап кетсе, жауапкершілік әкімшілікке жүктеледі. Қазір мопедтер мен мотоциклдерге бөлек аймақ қарастырылуда.
Тұрақтағы күзет қызметкерлері — негізінен зейнеттегі құқық қорғау органдарының ардагерлері. Олар тәртіп пен қауіпсіздікті қамтамасыз етеді. Бүгінде мұнда:
Негізгі себептер:
Кейбір көліктер электронды аукцион арқылы сатылымға шығарылады. Мысалы, біз сөйлескен азамат 4 миллион теңгеге көлік алғысы келген, бірақ кілті болмағандықтан жүйесін тексере алмады.
Аслан Иманжановтың пікірінше:
"Мәселені екіжақты шешу керек. Біріншіден, жүргізушілер жол ережесін бұзбауы керек. Екіншіден, жүйелі шешім қажет. Жақсысы — сандық жүйе арқылы тәртіптің артқаны байқалады".
