Қарағандында өткен түнде ірі өрт тіркелді. Ермеков көшесінде орналасқан автосалонның боксы жанып кетті.
Төтенше жағдайлар министрлігінің ресми ақпаратына сәйкес, өрт автосалонның ішкі бөлігінен тұтанған. Нақтырақ айтқанда, көлік бөлшектері мен жиһаздардың жанғыш элементтері отқа оранған.
“Мамандар оқиға орнына жедел жетіп, өртті дер кезінде ауыздықтады. Қызыл жалынның айналасына таралуына жол берілген жоқ. Қуанышқа орай, адам шығыны мен зардап шеккендер тіркелген жоқ”, – делінген министрлік хабарламасында.
Қазіргі уақытта өрттің нақты себебі анықталу үстінде. Сарапшылар бұл оқиғаны жан-жақты зерттеп жатыр.
