Сарапшылардың айтуынша, сала соңғы бес жылда екі есеге артқан.
Қазақстанда көлік өндірісі қарқынды дамып келеді. Ұлттық статистика бюросының мәліметінше, 2025 жылдың 9 айында отандық зауыттардан 110 мыңнан астам көлік шығарылған, бұл былтырғы кезеңмен салыстырғанда 17% жоғары.
Былтыр осы уақытта бұл көрсеткіш 93 мың көлік болған.
Елде негізінен жеңіл автокөліктер өндіріледі. Бірақ соңғы айларда жүк көліктері, автобустар, ауыл шаруашылығы мен арнайы техникалардың үлесі де артқан.
Көлік өндірісінің динамикасы жыл сайын тұрақты түрде өсіп келеді. Автонарықты мониторинг және талдау агенттігінің деректері төмендегідей:
Осы статистикаға сүйенсек, бес жыл ішінде өндіріс көлемі екі есеге артқан. Бұл – Қазақстан экономикасындағы ең тұрақты өсім көрсетіп отырған салалардың бірі.
Нарықтағы басты ойыншылар – «СарыарқаАвтоПром», «Азия Авто», «Hyundai Trans Kazakhstan» және «КАМАЗ-Инжиниринг». Олар отандық өндірістің негізгі бөлігін қамтамасыз етеді.
Мәселен, Қостанайдағы «СарыарқаАвтоПром» биылдың өзінде 60 мыңнан астам көлік шығарған. Сондай-ақ Шымкент пен Алматыдағы жаңа құрастыру алаңдары өндіріс қуатын арттыруға үлес қосуда.
