Шаңсорғыш шығарушы компания енді суперкар сатпақ (ФОТО)

Dreame Technology компаниясы CES көрмесінде (Лас-Вегас) көпшілікке бірден үш электркөлігін таныстырды. Екеуінің күштік құрылымы 2000 ат күшіне пара-пар.  Ал дизайн шешімдері әлемдік суперкарларды еске түсіреді.

Автоөндірістегі жаңа қадам

Былтыр күзде Dreame Technology автомобиль нарығына кіретінін жариялап, бірнеше концепт-рендерін көрсеткен болатын. Сол кезде-ақ компанияның болашақ модельдері Bugatti, Ferrari және Porsche стиліне ұқсастығымен қызу талқыға түскен еді. Мәселен, Dreame-нің алғашқы суперкары төрт есікті Bugatti формасына жақын.

CES көрмесінде таныстырылған алғашқы модель — Nebula брендіне тиесілі Next 01 концептісі.

Негізгі сипаттамалары:

• Төрт электрқозғалтқыш
• Жалпы қуаты: 1900 ат күшінен асады
• 0–100 км/сағ: 1,8 секунд
• Уақытша қуатты 30%-ға арттыратын жүйе бар

Сырт келбеті жағынан Next 01 соңғы Ferrari флагмандары мен Bugatti-дің Brouillard купесіне ұқсайды.

Kosmera: Bugatti стиліндегі екі электркар

Қалған екі модель Kosmera брендімен ұсынылды. Әзірге ресми атауы жоқ, алайда қытайлық БАҚ дерегі бойынша, бұл көліктер сериялық өндіріске Next 01-ден бұрын шығуы мүмкін.

Бірінші Kosmera:

• Төрт есікті Bugatti стилі
• Алдыңғы бөлігінде таға тәрізді радиатор торы
• Бүйір сызықтары Porsche-ні еске салады
• Қуаты: 1903 ат күші
• Белсенді аспа жүйесі
• Кейбір шанақ элементтері 3D-принтерде басып шығарылады

Екінші Kosmera:

• Bugatti-ге тән C-тәрізді бүйір элементі
• Артқы бөлігінде қос әйнекті жүксалғыш қақпағы
• Техникалық сипаттамалары әзірге жарияланған жоқ

Оқи отырыңыздар: 

2026 жылы елде қай жолдар жөнделеді?

Биыл электрмобильдерге квота берілмейді

Астанада қандай тұрақтар тегін болады?