Қазақстандық белгілі кәсіпкер, продюсер Баян Алагөзованың жұбайы Түрсенғали Алагөзов Алматыда ірі әлеуметтік жобаны іске асырды. Оның компаниясында көп жылдан бері еңбек етіп келе жатқан 100 қызметкер баспаналы болды.
Алагөзовтің айтуынша, бұл идея алғаш рет 2024 жылы туған және оны жүзеге асыру толықтай жеке бастамасына айналған.
“Бұл менімен бірге көп жылдан бері жұмыс істеп келе жатқан адамдар. Арнайы комиссия құрып, шынымен мұқтаж жандарды анықтадық. Көпшілігінің осы уақытқа дейін өз үйі болмаған”, – деді кәсіпкер.
Баспанаға ие болғандардың басым бөлігі – еңбекші тап өкілдері:
Ал басшылық қызметтегі адамдар тек 3-4 пайызға тең. Алагөзовтің сөзінше, басты критерийлердің бірі – көпжылдық адал еңбек пен компанияға деген адалдық болған.
“Бұл – күнделікті ауыр жұмыс істейтін, қарапайым адамдар. Көпшілігі үшін бұл – өміріндегі алғашқы баспанасы”, – деді ол.
Кәсіпкердің бұл қадамын отбасы да толық қолдаған. Танымал продюсер Баян Алагөзова әлеуметтік желіде жұбайына алғыс айтып, оның ісіне мақтанышпен қарайтынын жеткізді.
