Әлемге әйгілі футболшы Дэвид Бекхэм бал негізіндегі энергетикалық тіскебасар өндірісін жолға қойып, BEEUP атты жаңа жобасын жария етті.
2013 жылы футболдағы кәсіби мансабын аяқтағаннан кейін Дэвид Бекхэм өзін түрлі кәсіпкерлік және әлеуметтік жобаларда белсенді таныта бастады. Жаңа бастама — балдан жасалған табиғи тіскебасарлар желісі оның ара өсіруге деген жеке қызығушылығынан туындаған.
BEEUP жобасы Шон Неффпен бірлесіп жасалып жатыр. Шон — SUN BUM, BÉIS және Moon Oral Care сияқты халықаралық брендтердің негізін қалаушы ретінде танымал.
"Бастапқыда ара бағу — ұлдарымның хоббиі еді. Бірақ уақыт өте бұл мен үшін табиғатпен байланыс орнатудың, пайдалы өнім алудың жолына айналды. Енді балдан жасалған тіскебасарлар арқылы белсенді өмір салтын ұстанатындар мен отбасылар үшін жаңа әрі табиғи өнім ұсынып отырғанымызға қуаныштымын", — деді Дэвид Бекхэм баспасөз хабарламасында.
Сарапшылардың айтуынша, бал — рафинирленген қантқа балама ретінде танылып, табиғи тәттілік пен энергия көзі ретінде кеңінен қолданылып келеді. Бұл үрдіс әсіресе 2025 жылғы Expo West көрмесінде ерекше байқалды: бал қант қосылмаған өнімдерге арналған баламалы шешім ретінде ұсынылды.
