Ақтаудағы жоба бір миллиард теңгеге бағаланып отыр.
Аумақ қазірдің өзінде қаланың бас жоспарына енгізілген. Бұл туралы Маңғыстау облысының әкімі Нұрдәулет Қилыбай мәлімдеді.
Облыс әкіміне президенттің бұрынғы резиденциясының орнындағы жер учаскесін игеру туралы сұрақ тұрғындармен кездесуде қойылды. Өңір басшысының айтуынша, 225 гектар жер учаскесінде он мың орындық стадион, мешіт, балалар алаңдары, сондай-ақ жағалауда шағын және орта бизнесті дамытуға ықпал ететін нысандар тұрғызу жоспарланған.
“Аумақ қаланың бас жоспарына енгізілген. Келісу және мемлекеттік сараптамаға дайындық кезеңдері жүріп жатыр. "Самал" шағын ауданында орналасқан жер учаскесі 2023 жылдың жазында мемлекет меншігіне қайтарылды. Бұрын аумақтың бағалау құны шамамен бір миллиард теңген болған”, - деді әкім.
