Жартылай финалда Furia Esports азулы Team Spirit-пен кездескен болатын.
CS2 бойынша IEM Krakow 2026 турнирінің плей-офф кезеңіндегі тартысты жартылай финалда FURIA Esports командасы Team Spirit ұжымын жеңіп, гранд-финалға шықты.
Кездесу 2:1 есебімен аяқталды. Бразилиялық команда Mirage картасында жеңіске жетті (16:13), Dust II картасында жол берді (8:13), ал шешуші Nuke картасында айқын басымдық танытып, матчты өз пайдасына жапты (13:7).
Данил molodoy Голубенко жетекшілік ететін ұжым шешуші раундтарда мінез бен салқынқанды ойын көрсетіп, турнирдің басты матчының жолдамасын қамтамасыз етті. Ал Team Spirit үшін чемпиондыққа талас осы кезеңде аяқталды — Борис magixx Воробьёвтің командасы енді үшінші орын үшін өтетін матчта өнер көрсетеді. Олардың қарсыласы Team Vitality – MOUZ жұбы арасындағы кездесудің жеңілген командасы болады.
Ал Матье ZywOo Эрбо мен Людвиг Brollan Бролин бастаған ұжымдар арасындағы текетірес ойын күнін жалғастырады.
Айта кетейік, IEM Krakow 2026 турнирі 28 қаңтар мен 8 ақпан аралығында өтуде. Әлемнің үздік командалары чемпиондық атақ пен 1 миллион доллар жүлде қоры үшін бақ сынап жатыр.
