Соның салдарынан қант диабеті ауруы дендеп кеткен.
Елдегі әр бесінші бала сергіткіш сусынға құмар. 24KZ хабарлауынша, жасөспірімдердің 42 пайызы "энергетик" тұтынады. Мәселен, ұлдардың 46, қыздардың 38 пайызы осы суға құмар.
"Жалпы барлық еліміздегі 11, 13, 15 жастағы жасөспірімдер арасында, әлеуметтік зерттеу жүргізілген болатын. Онда осы жас ерекшелігіндегі 46,1 пайызы ұлдарға келеді, және 40-қа жуығы , 38,9 пайызы қыз балалар тұтыгатындығы анықталып отыр. Енді жас ерекшелігіне келетін болсақ, ең көп тұтынатын бізде 15 жастағы жасөспірімдер анықталып отыр. Олар арасында балалар арасында 28,6 пайыз және қыздар арасында 24,9 құрап отыр", - дейді ҚР ДСМ Қоғамдық денсаулық сақтау ұлттық орталығы басқарма төрағасының орынбасары Салтанат Назарова.
Мамандардың айтуынша, "энергетиктер" сан түрлі ауруға себеп болуы мүмкін. Әсіресе, қант диабеті. Өйткені бір құты сергіткіш сусынның құрамында 27 қасық қант болады.
"Олардың құрамында өте көп қоспа болады, жаңағы айтатын болсақ, кофейн, таурин, глюкоза, қант, сонымен қатар ароматизаторлар болады. Сол химиялық қоспалардың әсерінен ең басты ішке қолданылғаннан кейін асқазан-ішек жолдарында шырышты қабатында өзіндік әсерін тигізеді. Яғни оларда бастапқы кезде шырышты қабаты гастрит, одан әрі қарай жараға айналуы мүмкін язваға, әрі қарай емдемей жүре берсе, онкологиялық ауруларға өтіп кету қаупі өте жоғары", - дейді Ұлттық ғылыми онкология орталығының дәрігері Байдүйсен Үсіпбеков.
Айта кетейік, жыл басынан бері жасөспірімдерге сергіткіш сусындарды сатуға тыйым салынды. Нақтырақ айтқанда, 21 жасқа дейінгі тұтынушылар үшін тауар түрі қолжетімсіз.
