Бірінші лигадағы матчта тәртіпсіздік тіркеліп, екі ойыншы алаңнан қуылды.
Қазақстан Бірінші лигасының үшінші турындағы "Екібастұз" бен "Ақтөбе-М" командалары арасындағы матчта күтпеген жағдай болды. 62-минутта "Ақтөбе-М" командасының жартылай қорғаушысы Әлішер Кенжегұлов "Екібастұз" қақпашысы Илья Сотникке қарсы дөрекі әрекет ойнап, футболшылар арасында жаппай төбелеске ұласты.
Кенжегұловтың әрекетінен кейін алаңда қызу қақтығыс басталып, қос команданың бірнеше ойыншысы соқтығысып қалды. Жағдай ушығып кеткен соң, полицейлерге араласуға мәжбүр болды. Оқиға сәті бейнежазбаға түсіп қалған.
Жаппай жанжал нәтижесінде бас төреші екі ойыншыны — Әлішер Кенжегұлов ("Ақтөбе-М") пен Аслан Сүлейменовті ("Екібастұз") алаңнан қуды. Матч 3:3 есебімен тең аяқталды. Бұл ойын жанкүйерлердің ғана емес, футбол федерациясының да назарын аударуы мүмкін.
