Вальядолид жанкүйерлері футболшыны "маймыл" және "педик" деп қорлаған.
Испанияда футбол алаңындағы нәсілшілдік пен гомофобиялық қорлау фактісі бойынша алғаш рет нақты түрме жазасы кесілді. "Реал Мадрид" ойыншысы Винисиус Жуниорға қарсы ауыр сөздер айтқан "Вальядолид" клубының жанкүйерлері бір жылға бас бостандығынан айырылды.
2022 жылдың желтоқсан айында өткен "Реал Мадрид" – "Реал Вальядолид" матчында бірнеше жанкүйер Винисиус Жуниорды "маймыл", "педик" деп балағаттап, ашық түрде нәсілшіл және гомофобиялық қорлау көрсеткен. Бұл жағдай әлеуметтік желі мен халықаралық спорт қауымдастығында үлкен резонанс тудырды.
Осы іс бойынша жүргізілген тергеу нәтижесінде Испанияның сот органдары тарихи шешім қабылдады: кінәлі деп танылған жанкүйерлер:
1 жылға бас бостандығынан айырылды
3 жыл бойы футбол стадиондарына кіруге тыйым салынды
Бұл — Испания футболындағы нәсілшілдікке қарсы алғашқы нақты қылмыстық үкімдердің бірі болып отыр.
"Реал Мадрид" пен Бразилия ұлттық құрамасының ойыншысы Винисиус бұған дейін бірнеше рет алаңдағы нәсілшілдікке қарсы шыққан. Ол Instagram мен Twitter-де жүйелі кемсітуді тоқтатуды талап етіп, Испаниядағы жағдайды ашық сынға алды.
ФИФА, УЕФА және Ла Лига соңғы жылдары футболдағы нәсілшілдікке, жыныстық бағдар бойынша кемсітушілікке қарсы нақты саясат ұстанып келеді.
