Алматылық "Қайрат" футбол клубының бас жаттықтырушысы Рафаэль Оразбахтин 30 мамыр күні өткен Қазақстан Премьер-Лигасының 11-турындағы "Ақтөбе" - "Қайрат" кездесуінен кейін болған жанжалға қатысты ресми мәлімдеме жасады.
“30 мамыр күні өткен “Ақтөбе” мен “Қайрат” арасындағы матчта болған оқиғаға түсініктеме бергім келеді. Ойын бойы “Ақтөбе” жанкүйерлері біздің жаттықтырушылар құрамына және футболшыларымызға түрлі балағат сөздер айтып, тіпті бөтен заттар лақтырды. Эмоциялық сәтте мен де өзімді ұстай алмай, дөрекі сөз айтып қалдым. Бұл үшін шын жүректен өкінемін. Сөзіммен көңілі қалған адамдардан кешірім сұраймын”, – деді Оразбахтин видеоүндеуінде.
“Ақтөбе” мен “Қайрат” арасындағы кездесу тек есеппен емес, эмоцияға толы эпизодтарымен де есте қалды. Ойын 2:1 есебімен алматылық команданың жеңісімен аяқталды. Бірақ кездесу барысында бірнеше жанжал туындап, нәтижесінде алаңнан үш адам қуылды:
Мәліметтерге сүйенсек, Оразбахтиннің әрекеті тәртіптік комитеттің қарауына берілуі мүмкін. БАҚ өкілдерінің хабарлауынша, оған тіпті әкімшілік жаза немесе дисквалификация қаупі төніп тұр. Бұл жағдай футбол саласындағы әдеп нормаларын сақтау мәселесін тағы да алдыңғы қатарға шығарды.
