Майамидегі "Хард Рок" стадионында клубтық әлем чемпионатының алғашқы кездесуі өтті. Алаң иелері "Интер Майами" мен және Мысырдың "Әл-Ахли" клубы тең тарқасты.
Матчтың 43-минутында "Әл-Ахлидің" жартылай қорғаушысы Трезеге пеналтиден мүлт кетті. Оның добын "Интер Майамидің" қақпашысы Оскар Устари қайтарды.
Ойынның 14-минутында мысырлықтардың тағы бір ойыншысы Эмам Ашур жарақат алып, ерте ауыстырылды.
"Интер Майами" сапында әлемге әйгілі жұлдыздар — Лионель Месси, Луис Суарес пен Серхио Бускетс толық 90 минут бойы алаңда өнер көрсетті. Суарес матч барысында сары қағаз алды. Ал Жорди Альба бұл кездесуге қатыспады.
Осы нәтижеден кейін екі команда бір ұпайдан еншіледі. "Әл-Ахлидің" келесі қарсыласы — бразилиялық "Палмейрас". Ал Хавьер Маскерано баптайтын "Интер Майами" португалиялық "Портумен" бақ сынайды. Екі матч та 19 маусымда өтеді.
