"Манчестер Юнайтедтың" серіктесі және INEOS компаниясының жетекшісі сэр Джим Рэтклиффтің 100 мың орындық жаңа стадион жобасы бастапқы кезеңде-ақ кедергілерге тап болуда.
Басты мәселе — стадион салынуы тиіс жер телімі. Құрылысқа қажет аумақты иеленуші компания 400 млн фунт стерлингке бағаласа, "Юнайтед" бұл жерге 50 млн фунт төлеуге дайын.
"Біз "Юнайтед" болғанымыз үшін артық төлеуге міндетті емеспіз. Активтерді объективті бағалаймыз", — деді INEOS-қа жақын дереккөз (The Athletic).
Британдық басылым The Athletic таратқан ақпаратқа сәйкес, стадион жобасына арналған жер жеке меншік компанияның иелігінде. INEOS өкілдері бұл бағалауды тым жоғары деп санап, келіссөздер тоқырап қалғанын мойындап отыр.
Бұл жоба аңызға айналған "Олд Траффордтың" орнын басуы тиіс. Заманауи талаптарға сай келмейтін ағымдағы стадионды ауыстыру арқылы клуб Англиядағы ең үлкен, әрі әлемдік деңгейдегі ареналардың біріне қол жеткізбек.
100 мың орындық жаңа стадион салына қалса, ол көлемі жағынан «Сантьяго Бернабеу» (Испания) және «Роуз Боул» (АҚШ) секілді арена деңгейіне жетпек. Алайда, әзірге жобаның басталу мерзімі белгісіз — жер мәселесіндегі келіспеушілік себепті құрылыс уақытша тоқтатылды.
INEOS тобы келіссөздерді жалғастыруда. Олар:
Жер бағасына байланысты туындаған даулар «Манчестер Юнайтедтің» жаңа стадионын салуға кедергі келтіріп отыр. Клуб пен инвесторлар болашақта нақты шешімге келмейінше, бұл ауқымды жоба белгісіз уақытқа шегерілуі мүмкін.
