Түркияның "Адана Демирспор" клубында ойнап жүрген қазақстандық шабуылшы Абат Айымбетов мансабында жаңа белеске қадам жасамақ.
Kazakh football inside дерегінше, 30 жастағы форвард Румыния чемпионатына ауысу үшін келіссөздер жүргізіп жатыр. Айымбетовтің жаңа командасы Бухаресттің әйгілі "Рапид 1923" клубы болмақ. Ұжым Румынияның ең беделді үш командасының қатарында, яғни "Стяуа" және "Динамо" клубтарымен бірге ел футболының символына айналған.
Айымбетов бұған дейін Қазақстан ұлттық құрамасының негізгі шабуылшыларының бірі ретінде талай маңызды ойындарда гол соққан. Түркиядағы "Адана Демирспор" сапындағы тәжірибесі мен еуропалық деңгейдегі дайындығы оны Румыния чемпионатында да басты фигураға айналдыруы мүмкін.
