Футбол аңызы бұл қызметке 2026 жылғы әлем чемпионатынан кейін тағайындалмақ.
Аңызға айналған француз футболшысы және жаттықтырушысы Зинедин Зидан ұзақ үзілістен кейін бапкерлікке қайта оралмақ. Шетелдік БАҚ-тың хабарлауынша, ол 2026 жылғы әлем чемпионатынан кейін Франция ұлттық құрамасының тізгінін ұстайды. Қазіргі бас бапкер Дидье Дешам турнир аяқталған соң қызметінен кетеді.
Бұл ақпаратты Зиданның жақын досы, RMC Sport журналисі Жильбер Брисбуа да растаған.
53 жастағы Зидан 2021 жылдың мамырынан бері жұмыс істемей келеді. Ол соңғы рет “Реалды” басқарған. Бірінші кезеңінде (2016–2018) командасын қатарынан үш рет Чемпиондар лигасында жеңіске жеткізді және Испания чемпионы атанды. Екінші кезеңінде де Ла Лига титулын иеленген.
Зидан “Реалды” 2020/21 маусымында бірде-бір трофейсіз аяқтаған соң тастап кеткен.
