Көкшетауда Қазақстан Премьер-Лигасының 22-турындағы кейінге шегерілген ойында "Оқжетпес" пен "Қайрат" кездесті.
Алғашқы минуттардан-ақ "Қайрат" қарсыласына қысым көрсетті. 8-минутта Жоржиньо қорғаушылардың қателігін пайдаланып, есеп ашты.
Бірінші таймның ортасына қарай көкшеліктер белсендірек ойнай бастады. Алайда нәтижелі соққы шығара алмады. Екінші таймда да алаң иелері шабуылға шыққанымен алматылықтар қорғанысты сенімді ұстады. Қорытынды есеп өзгермеді — 0:1.
Бұл жеңістің арқасында "Қайрат" 46 ұпай жинап, көшбасшы "Астанамен" теңесті. Ал "Оқжетпес" 32 ұпаймен алтыншы орында қалды.
