Қазақстанның 19 жасқа дейінгі жасөспірімдер құрамасы Slovenia Nations Cup-2025 турнирінде екінші мәрте жеңіске жетті. Бұл жолы біздің жігіттер Шотландияны тізе бүктіріп, матчты 2:1 есебімен өз пайдасына жаза білді.
Кирилл Кеккердің шәкірттері алғашқы ойында БАӘ құрамасын 4:0 есебімен жеңген. Осылайша жас қазақстандық футболшылар турнирдің фавориттері қатарына қосылды.
Шотландияға қарсы ойында да біздің ойыншылар сенімді өнер көрсетіп, шешуші сәттерді тиімді пайдаланды.
Жасөспірімдер құрамасы үшін соңғы сынақ – Исландиямен кездесу. Бұл матч 9 қыркүйекте сағат 20:00-де өтеді. Қазақстандық жанкүйерлер команданың жеңісті дәстүрді жалғастыратынына үміт артып отыр.
