Мадридтік «Реал» бапкерлер құрамын жаңа маманмен толықтырды.
Енді клубта стандартты жағдайларды талдауға маманданған Хесус Руэда жұмыс істейді. Өткен маусымда Руэда «Леганесте» еңбек еткен.
Еске сала кетейік, «Реал» Испания чемпионатының жаңа маусымын алты ойында алты жеңіспен бастады — қазіргі уақытта Хаби Алонсоның командасы жеке-дара көш бастап тұр. Сондай-ақ мадридтік клуб Чемпиондар Лигасын да сәтті бастады, «Марсельді» (2:1) жеңді. Жалпы кезеңдегі келесі қарсыласы — «Қайрат», матч 30 қыркүйекте Алматыда өтеді. Ал «Қайрат» Чемпиондар Лигасының негізгі кезеңін сырт алаңда «Спортингтен» (1:4) ірі жеңіліспен бастаған.
Тағы “Реалдан” бөлек “Қайрат” Чемпиондар Лигасының жалпы кезеңінде алты ұжыммен кездеседі: “Брюгге” (Бельгия), “Олимпиакос” (Грекия), “Арсенал” (Англия), “Интер” (Италия), “Копенгаген” (Дания) және “Пафос” (Кипр).
