«Ордабасының» бас бапкері Андрей Мартин Қазақстан кубогының финалында «Тобылға» қарсы өтетін ойын туралы пікір білдірді.
Андрей Мартин: ертеңгі матч жанкүйерлерге ұнайды деп үміттенемін.
“Дайындық әдеттегідей режимде өтуде. Чемпионаттағы екі ойынымыздан кейін алты күн уақыт болды. Жігіттер дайын. Ең бастысы, ертеңгі матч басталғанда бәрінің денсаулығы жақсы болса болғаны. Қалғанын ойын көрсетеді. Біз айқасты қабылдауға, құнды трофей үшін күресуге дайынбыз. Барлығы ертең белгілі болады. Жақсы ойын болады деп күтудеміз. Әрине, екі команда да кубок үшін соңына дейін күреседі. Екі команда да футбол ойнауды біледі. Ертеңгі матч жанкүйерлерге ұнайды деп үміттенемін,” — деді Мартин.
Айта кетейік, Қызылордада өтетін ойын ертең, 4 қазан күні кешкі 19:00-де басталады.
