Фабио Каннаваро Ташкентке келді (ВИДЕО)

Каннаваро елдің ұлттық футбол орталығын аралап, құрылымымен танысқан.

Болжам бойынша, итальяндық маман алдағы бірнеше сағат ішінде Өзбекстан футбол қауымдастығымен (UAF) ресми келісімшартқа қол қоюы мүмкін.

52 жастағы Фабио Каннавароның футболдағы тәжірибесі мол. Ол бұған дейін бірнеше танымал клубты басқарған:

• Қытайдың “Гуанчжоу Эвергранд”,
• Сауд Арабиясының “Әл-Наср”,
• Италияның “Беневенто” және “Удинезе”,
• Хорватияның “Динамо Загреб” клубтары.

Загребтің "Динамосынан" 2025 жылдың сәуір айында кеткен.

Айта кетейік, Өзбекстан құрамасы тарихында алғаш рет 2026 жылғы футболдан әлем чемпионатына жолдама алған.