Қазақстан құрамасы 2026 жылғы әлем чемпионатына іріктеу ойындарына дайындықты жалғастырып жатыр. Осыған орай ҚФФ (Қазақстан футбол федерациясы) баспасөз қызметі Мәскеудің «Динамо» клубының қорғаушысы Бақтиер Зайнутдиновтың суреттерін жариялады.
Жарияланған фотоларда Зайнутдинов жаттығу үстінде, сондай-ақ команда дәрігері Алексей Михайлов пен бапкер Елдос Ахметовпен әңгімелесіп тұрған сәті бейнеленген.
«Біз сені қатты сағындық, Батека», — деп жазылған ұлттық құраманың Instagram парақшасында.
Талғат Байсұфинов жаттықтыратын ұлттық құраманың алдында маңызды екі матч тұр.
Бұл кездесулер 2026 жылғы әлем чемпионатының іріктеу кезеңі аясында өтеді және құраманың турнирдегі тағдырын айқындайтын маңызды сәт болмақ.
Зайнутдиновтың құрамға қайта қосылғаны жанкүйерлер арасында үлкен қуаныш тудырды. Көпшілік оны ұлттық команданың рухын көтеретін көшбасшылардың бірі деп санайды.
Бұған дейін Бақтиер жарақатына байланысты біраз уақыт алаңнан тыс қалған. Енді толық қалпына келіп, командамен бірге жаттығуда.
