“Пари НН” клубының қорғаушысы Свен Карич келер маусымда Рафаэль Оразбахтинның ұжымына ауысуы мүмкін.
Осы маусым аяқталысымен, Егор Сорокин Ресейге қайтып оралады. Ол “Қайратпен” келісім шартын ұзартуға келіспеген. Сол себепті Алматы ұжымы Сорокиннің орнына 27 жастағы Свен Каричті қарастырып отыр.
“Марибор” клубының түлегі осы маусымда Алексей Шпилевский жаттықтыратын командада 15 матч өткізді.
Бойы 1,86 м құрайтын Свен өз мансабында “Парин” НН мен “Марибордан” бөлек, “Дерби U23” және “Домжале” клубтарында доп тепкен.
Transfermarkt порталы Свен Каричті 1,20 млн еуроға бағалап отыр.
Биылғы маусымда Сорокин “Қайрат” сапында барлық турнирде 33 ойын өткізіп, 1 гол соғып үлгерді.
