Қазақстан жастар құрамасы (U-21) Өзбекстан (U-20) жасөспірімдер құрамасымен Ташкентте жолдастық кездесу өткізіп, минималды есеппен жеңіліп қалды.
Матч Өзбекстан астанасында өтіп, негізгі уақыт 1:0 есебімен алаң иелерінің пайдасына аяқталды. Бірінші таймда командалар бір-бірінің қақпасын дәл таба алмады. Ал шешуші сәт екінші таймның соңында болды.
84-минутта өзбек футболшысы Фирдавс Абдурахмонов қазақстандық қорғаушының қателігін пайдаланып, допты қақпаға дөп бағыттады. Осы гол ойын тағдырын шешіп, есеп өзгеріссіз қалды.
Екі құраманың екінші ойыны 14 қазан күні тағы да Ташкентте өтеді.
Бұл жолғы сәтсіздік қазақстандық жастар үшін қатарынан үшінші жеңіліс болды. Бұған дейін олар Еуропа чемпионаты-2027 іріктеу кезеңінде Андорраға (0:1) және Англияға (0:2) есе жіберген еді.
