ҚПЛ-дің үздік сұрмергені кім?

2025 жылғы Қазақстан Премьер-лигасы өз мәресіне жетті. Оның қорытындысы бойынша үздік сұрмерген атағын "Астананың" жартылай қорғаушысы Назми Грипши иеленді. Ол қарсылас қақпасына 16 гол соғып, барлық бәсекелестерін артта қалдырды.

Косоводан шыққан Назми Грипши биылғы маусымда нағыз шабуыл шебінің лидері атанды. Ол «Астананың» негізгі ойыншысы ретінде шешуші кездесулерде бірнеше мәрте команданы құтқарып, чемпиондық үшін күресте маңызды рөл атқарды.

Грипши тек стандарттардан емес, ойын кезінде де әсерлі соққыларымен көзге түсті.

Үздік сұрмергендер

1. Назми Грипши («Астана») — 16 гол
2. Сәтпаев («Қайрат») — 14 гол
3. Томасов («Астана») және Д.Жұмат («Оқжетпес») — 12 голдан
4. Джеффри («Астана») — 11 гол
5. Жоржиньо («Қайрат») — 10 гол
6. Чесноков («Тобыл»), Камара («Астана»), Жан («Ақтөбе»), Плакка («Елімай») — 9 голдан
7. Жақсылықов («Қайсар»), Сигневич («Тобыл») — 8 гол
8. Эль Мессауди («Тобыл»), Шушеначев («Ақтөбе»), Астанов (1 — «Астана», 6 — «Ордабасы»), Свиридов және Муртазаев (екеуі де — «Елімай») — 7 голдан.