ӘЧ-2026 фавориті кім? Аңыз бапкердің тізімінде Бразилия жоқ

Бразилия құрамасының бас бапкері Карло Анчелотти 2026 жылғы ӘЧ-нің басты фавориттерін атады. Италиялық маман Франция, Испания, Англия, Германия, Аргентина және Португалияны негізгі үміткер санайды, бірақ 48 құрама қатысатын турнирде тосынсыйлар да болуы мүмкін екенін ескертті.

Sky Sport Italy-ге берген сұхбатында атақты жаттықтырушы әлем чемпионатының кіл мықтыларын нақтылады.

«Фавориттер? Әдеттегі командалар. Франция, Испания, Англия, Германия, Аргентина, Португалия. Бірақ ӘЧ-2026-да 48 команда ойнайды, сондықтан тосынсыйлар болары сөзсіз. Ертең біз Сенегалмен ойнаймыз — олар Англияны 3:1 есебімен жеңген. Өте мықты команда. Сол сияқты Марокко да», – деді Анчелотти. 

2026 жылғы ӘЧ: фавориттер мен ықтимал сенсациялар

Анчелотти атаған «үздік алтылық» мынадай:

• Франция — жұлдыздарға толы құрама, Мбаппе бастаған жаңа буын.
• Испания — жастар революциясы мен техникасы мықты ойыншыларға толы ортаңғы шеп.
• Англия — соңғы жылдары турнир жеңісіне ең жақын болды.
• Германия — жаңа буын, жаңа философия, жаңа үміт.
• Аргентина — қазіргі әлем чемпионы, Месси дәуірінің соңғы аккорды болуы мүмкін.
• Португалия — таланты тасып тұрған команда, жас жұлдыздар легі өсіп келеді.

2022 жылғы финал: тарихтағы ең драмалы ойын

Анчелотти пікірін бағалау үшін соңғы әлем чемпионатын еске алу жеткілікті. 2022 жылғы финал футбол тарихындағы ең эпик матчтардың бірі болды:

• Аргентина — Франция: 3:3 (пенальти: 4:2)
• Месси мен Мбаппен дуэлі — бүкіл әлемді тебірентті
• Матч — ӘЧ тарихындағы ең тартысты финалдардың бірі ретінде мойындалды

Дәл осы екі құрама 2026 жылғы турнирдің де басты фавориттері саналады.