Футболдан Қазақстан құрамасы 2026 жылғы әлем чемпионатының Еуропа аймағындағы іріктеу кезеңінде сенсация жасады. «Астана Аренада» өткен ойында біздің команда әлемдік гранд саналатын Бельгиямен тең ойнады.
Ойынның 9-минутында Дастан Сәтпаев қарсыластың айып алаңына батыл кіріп, қақпаның жақын бұрышын дәл көздеді.
Тайм соңына дейін екі команда да қауіпті мүмкіндіктер жасап отырды. Қазақстан қақпасын күзеткен Темірлан Анарбеков бірнеше рет команданы аман алып қалды.
48-минутта Ханс Ванакен баспен соққы жасап, есепті теңестірді. Одан кейін бельгиялықтар шабуылды үдетіп, қазақстандықтардың қақпасын бірінен соң бірі атқылады. Анарбековтің сенімді ойыны командаға қайта-қайта демеу болды.
79-минутта Ислам Чесноков Жереми Докуға қарсы ереже бұзып, тікелей қызыл қағаз алды. Қазақстан қалған 10 минутты толық қорғаныста өткізіп, нағыз мінез көрсетті.
Қазақстан құрамасы іріктеуді 8 ұпаймен аяқтады және J тобында 4-орын алды.
