Жуырда облыс әкімі клуб жеке инвестордың қарамағына өтетіні белгілі болды. Бұл туралы Ақтөбе облысының әкімі Асхат Шахаров хабарлады.
Қазақстан Премьер-лигасы алыптарының бірі — «Ақтөбе» футбол клубы жаңа маусымда құрамды жасақтау стратегиясын түбегейлі өзгертуді жоспарлап отыр. Клуб басшылығы легионерлерге басымдық беріп, «Астана» моделін қолданбақ. Бұл туралы meta-ratings.kz хабарлады.
2026 жылғы маусымнан бастап ҚПЛ командаларына 10 шетелдік ойыншыны тіркеуге рұқсат етіледі. Осы мүмкіндікті тиімді пайдалану мақсатында «Ақтөбе» басшылығы команданың негізгі тірегін легионерлерден құруды көздеп отыр.
Аталған басылым мәліметінше, клуб келесі жылы матчтарды 9 шетелдік және 2 қазақстандық ойыншымен бастау нұсқасын қарастыруда. Мұндай тәсілді бұған дейін «Астана» сәтті қолданған болатын.
Айта кетейік, 2025 жылғы маусымда «Ақтөбе» Премьер-лига кестесінде 43 ұпаймен 5-орынға тұрақтады. Клуб маусым барысында бірнеше ірі жеңіс пен қиын кезеңдерді бастан өткерді.
