Қазақстан жастар құрамасының бұрынғы ойыншысы Вадим Боровский Ресейдің ең әйгілі командаларының бірі – Мәскеудің «Спартак» клубында жаттықтырушылық қызметке кірісті. Ол командада физикалық дайындыққа жауапты болады.
1986 жылы Қарағанды облысының Саран қаласында дүниеге келген Боровский кәсіби футбол мансабын «Шахтер» сапында бастап, кейін «Атырау» және «Алма-Ата» клубтарында да өнер көрсеткен. 2011 және 2012 жылдары «Шахтер» құрамында қатарынан екі маусым Қазақстан чемпионы атанған. Сондай-ақ Қазақстанның жастар және жасөспірімдер құрамалары жейдесін киген.
Бапкерлікке бет бұрғаннан кейін, 2017–2021 жылдар аралығында «Қайрат-Жастар» командасында физикалық дайындық жаттықтырушысы қызметін атқарды. 2021 жылы Мәскеудің «Спартак» жүйесіне шақырылып, біртіндеп өз орнын тапты:
Вадим Боровскийдің Ресей Премьер-лигасындағы топ-клубтың жаттықтырушылар тобына енуі – қазақстандық бапкерлердің деңгейі халықаралық аренада бәсекеге қабілетті екенін айқын көрсетеді. Айта кету керек, бұған дейін тағы бір отандық маман – Ерлан Ыбрырайым де Ресейдің «Крылья Советов» клубына шақырылған.
