Александр Мартынович ФИФА нұсқасы бойынша 2025 жылдың үздік футболшысын анықтауға арналған дауыс беру рәсіміне қатысқан болатын.
Алматылық «Қайраттың» капитаны әрі Беларусь құрамасының ойыншысы Александр Мартынович ФИФА нұсқасы бойынша 2025 жылдың үздік футболшысын анықтауға арналған ресми дауыс беруге қатысты.
Өзінің дауыс беру парағында Мартынович бірінші орынға «Барселона» әрі Испания құрамасының вингері Ламин Ямалды қойған. Екінші орынды ол мадридтік «Реалдың» және Франция құрамасының шабуылшысы Килиан Мбаппеге берсе, үшінші орынға ПСЖ мен Португалия құрамасының жартылай қорғаушысы Витиньяны таңдаған.
Жалпы дауыс беру қорытындысы бойынша 2025 жылдың ең үздік футболшысы атағы ПСЖ мен Франция құрамасының шабуылшысы Усман Дембелеге бұйырды.
